Nov 141 min read

ព្រៃអត្តឃាត ភាពយន្តខ្នាតធំរបស់ផលិតកម្ម សាស្រ្តា ហ្វៀម ប្រកាសថ្ងៃចាក់បញ្ចាំងជាផ្លូវការ

ខ្សែភាពយន្តខ្នាតធំ រឿងព្រៃអត្តឃាត ដែលជាស្នាដៃថ្មីមួយទៀតរបស់ផលិតកម្ម សាស្រ្តា ហ្វៀម បានប្រកាសអំពីថ្ងៃចាក់បញ្ចាំងជាផ្លូវការ គឺនៅថ្ងៃទី 21 វិច្ឆិកា 2024 នៅគ្រប់រោងភាពយន្តក្នុងប្រទេសកម្ពុជា។

ព្រៃអត្តឃាត ភាពយន្តបែបរន្ធត់ព្រឺព្រួច រសជាតិថ្មី ពីផលិតកម្មសាស្រ្តាហ្វៀម ដែលសាច់រឿងនិយាយពាក់ព័ន្ធជាមួយនឹងវិញ្ញាណអាថ៌កំបាំងនៅក្នុងព្រៃ។ ស្នាដៃថ្មីនេះ ដឹកនាំរឿងដោយលោក ប៊ុន ចាន់ពេជ្រ ហើយមានការចូលរួមសម្តែងពីសំណាក់តួអង្គល្បីៗដូចជា ទ្រង់ ស៊ីសុវត្ថិ សេរីវុឌ, លោក ហេង ម៉េងឃុន សម្តែងជាតួអង្គសុធា និង កញ្ញា វណ្ណៈ បូរមី សម្តែងជាតួអង្គ ស្រីខួច។ ទន្ទឹមនឹងនេះក៏មានការចូលរួមសម្តែងពីតួអង្គជាច្រើនរូបទៀតផងដែរ។

ព្រៃអត្តឃាត ជាស្នាដៃដឹកនាំរឿង ពី Director រឿងព្រាយតោងធ្នឹម លោក ប៊ុន ចាន់ពេជ្រ ខណៈសាច់រឿងត្រូវបាននិពន្ធដោយ កញ្ញា មឿន លាងអេង។ តួអង្គពិសេសមួយ គឺលោកយាយ ដែលប្រិយមិត្តធ្លាប់បានស្គាល់នៅក្នុងរឿងព្រាយតោងធ្នឹម នឹងត្រឡប់មកវិញជាថ្មីម្តងទៀត នៅក្នុងរឿងព្រៃអត្តឃាត។

បើសិនលោកអ្នកជាអ្នកនិយមចូលចិត្តភាពយន្តបែបរន្ធត់ ព្រឺព្រួច រឿងព្រៃអត្តឃាត ជារឿងដែលមិនគូររំលងឡើយ។ កុំភ្លេចរង់ចាំចូលរួមទស្សនាទាំងអស់គ្នា ដែលមានចាក់បញ្ចាំងនៅថ្ងៃទី 21 វិច្ឆិកា 2024 នៅគ្រប់រោងភាពយន្តក្នុងប្រទេសកម្ពុជា៕